У Беларусі павялічваецца фінансаванне авечкагадоўлі: гаспадары жывёлы могуць разлічваць на даплаты з боку дзяржавы за здадзеныя воўну і бараніну. Пра асаблівасці развіцця гэтага жывёлагадоўчага накірунку і нюансы выплат расказала загадчык сектара жывёлагадоўлі ўпраўлення сельскай гаспадаркі і харчавання Галіна Ждановіч:
– На жаль, вяскоўцы цяпер адмаўляюцца ад падсобнай гаспадаркі, а авечкагадоўля на Астравеччыне ніколі не не была распаўсюджанай. Калісьці гэты накірунак жывёлагадоўлі развіваўся ў калгасах «50 гадоў ВЛКСМ», «Савецкая Беларусь» – гэта Масцяны і Страча, але так і не прыжыўся.
Фото Юрия Горида
Затое гаспадары, якія на сваіх падворках трымаюць авечак і здаюць воўну і бараніну, могуць разлічваць на дапамогу дзяржавы. Пастановай Савета Міністраў зацверджаны комплекс мер па развіцці ў краіне авечкагадоўлі на 2019-2025 гады. Ён прадугледжвае аказанне дзяржаўнай падтрымкі, у тым ліку ў выглядзе выплаты надбавак са сродкаў рэспубліканскага бюджэту, да закупачных коштаў на авечак і воўну, якія ў насельніцтва набываюць арганізацыі Белкаапсаюза. Гэта павінна садзейнічаць самазанятасці сельскага насельніцтва.
Згодна з пастановай Мінсельгасхарчу «Аб надбаўках да закупачных цэн на сельскагаспадарчую прадукцыю, набываемую ў насельніцтва» памер надбаўкі да закупачнай цаны за кілаграм воўны складае 5,40 рубля, авечак жывой вагой – 2,90 рубля.
