Неўзабаве ў раёне пачнецца першы ўкос. Ад таго, як на корманарыхтоўцы спрацуюць аграрыі, залежыць і дынаміка развіцця мяса-малочнай вытворчасці. 

Колькі і чаго сёлета плануюць нарыхтаваць на Астравеччыне, расказаў загадчык сектара раслінаводства ўпраўлення сельскай гаспадаркі і харчавання Міхаіл Шлыковіч. 

Першым укосам запланавана скасіць травы на плошчы крыху больш за 12 тысяч гектараў. Найбольшая плошча сенакосу ў КСУП «Гудагай» і «Гервяты», дзе запланавана палажыць травы ў пракосы на 2 981 і 3 173 гектарах адпаведна. 
Перад аграрыямі стаіць задача назапасіць на зіму 32,6 цэнтнера кармавых адзінак кармоў на ўмоўную галаву. 
За лета плануем нарыхтаваць крыху больш за 3 350 тон сена і 32 тысячы тон сенажу. Сярод гаспадарак найбольш гэтых відаў травяністых кармоў назапасяць у КСУП «Гервяты» – 750 і 34 тысячы тон адпаведна. Гэта абумоўлена патрэбамі жывёлагадоўлі, нагадаю: гаспадарка спецыялізуецца на вытворчасці ялавічыны.
Назапашваць на зімне-стойлавы перыяд зернесянаж будзе толькі КСУП «Гудагай» (план – 2 тысячы тон). 
Як і ў мінулыя гады, стаўку сёлета робім на кукурузу. У планах закласці ў траншэі амаль 163 тысячы тон зялёнай масы. Найбольш сіласу нарыхтуюць КСУП «Гудагай» і «Гервяты» – 47 і амаль 45 тысяч тон адпаведна; найменш – у КСУП «Міхалішкі» (20 тысяч тон).